Samux Rayon İcra Hakimiyyəti başçısının rayonun Lək kəndində səyyar görüşü keçirilmişdir.

Samux Rayon İcra Hakimiyyətinin başçısı cənab Alı Qocayevin rayonun Lək  kənd  sakinləri ilə növbəti səyyari görüşü keçirildi. Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Lək kənd  inzibati ərazi dairəsi üzrə icra nümayəndəsi  kənd  barədə iclas iştirakçılarına geniş məlumat verdi.  Kənddə görülmüş işlər, təbii qaz, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. Əliyev  Kamandar  Qəzənfər oğlu   çıxış edərək kəndin  mərkəzindəki içməli subartezian quyusunun bərpasını xahiş etdi
2. Musatafayev  Nuru Əziz oğlu Gəncə  çayından ayrılan  sel arxının lildən təmizlənməsini xahiş etdi.
3. Nəbiyev  Cahangir  Hidayət  oğlu
isə  Yeni  yaşayış  massivinə  qaz  xəttinin çəkilməsi  təklifini irəli sürdü
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.