Samux Rayon Heydər Əliyev Mərkəzində 20 Yanvar hadisələrinə həsr olunmuş “20 Yanvar –Müstəqilliyimizin Şəhidlik Zirvəsi ” mövzusunda tədbir təşkil olundu.
16 yanvar 2015-ci il tarixində Samux rayon Heydər Əliyev Mərkəzi ilə Samux Rayon Təhsil şöbəsi birlikdə 20 Yanvar hadisələrinə həsr olunmuş “20 Yanvar – Müstəqilliyimizin Şəhidlik Zirvəsi” mövzusunda tədbir keçirtdi. Samux Rayon Heydər Əliyev Mərkəzində baş tutan tədbir 20 Yanvar şəhidlərinin ruhunun bir dəqiqəlik sükutla yad edilməsi ilə başladı. Daha sonra çıxış edən Samux Rayon Heydər Əliyev Mərkəzinin direktoru Aygün Həsənzadə 1990-cı il yanvarın 20-də baş verən faciədən danışdı və belə tədbirlərin növbəti günlərdə də davam etdiriləcəyini qeyd etdi. Digər məruzələrdə də bu günün xalqımızın qəhrəmanlıq səlnaməsində yeni bir səhifə açdığı vurğulandı.
Tədbir Samux rayonunun müxtəlif ümümtəhsil məktəblərinin şagirdlərinin hazırladıqları kompozisiyalarla davam etdirildi.
