Samux Rayon İcra Hakimiyyəti başçısının rayonun Yuxarı Ağasıbəyli kəndində səyyari görüşü keçirilmişdir.

Samux Rayon İcra Hakimiyyətinin başçısı cənab Alı Qocayevin rayonun Yuxarı Ağasıbəyli   kənd  sakinləri ilə növbəti səyyari görüşü keçirildi.
   Görüşdə kənd sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
    Əvvəlcə Yuxarı Ağasıbəyli    inzibati ərazi dairəsi üzrə icra nümayəndəsi Abdullayev Mirdamət kənd  barədə iclas iştirakçılarına geniş məlumat verdi.  Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar və təkliflər oldu:
1. Əsgərov  Canpolad Oruc oğlu çıxış edərək 1 ədəd  içməli su üçün  subartezian quyusunun vurulmasını  xahiş etdi
2. Verdiyev  Saməddin  Bayram  oğlu     2 ədəd  yararsız  elektrik dirəyinin dəyişdirilməsini xahiş etdi.
3. Alıyev  Razi  Yaqub  oğlu isə  yeni salınmış  yaşayış  massivindəki küçənin cari  təmiri    təklifini irəli sürdü
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.