Samux Rayon İcra Hakimiyyəti başçısının rayonun Sərkar kəndində səyyari görüşü keçirilmişdir.
Samux Rayon İcra Hakimiyyətinin başçısı cənab Alı Qocayevin rayonun Sərkar kənd sakinləri ilə növbəti səyyari görüşü keçirildi.
Görüşdə kənd sakinləri ilə yanaşı İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Sərkar inzibati ərazi dairəsi üzrə icra nümayəndəsi Asif Tağıyev kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd sakinləri tərəfindən çıxışlar oldu.
1. Zeynalova Tinatin Cavanşir qızı kənddə içməli su üçün istifadə edilən subartezianının bərpası təklifini irəli sürdü
2. Yusifov Fərhad Alıhüseyn oğlu kənddə bankomat aparatının quraşdırılmasını xahiş etdi
3. Ləzgiyeva Nabat Pənah qızı elektrik enerjisini kənd əhalisinə fasiləsiz verilməsi təklifini irəli sürdü
4. Abdullayeva Könül Əsgərxan qızı isə kəndin təmizliyi üçün küçələrə zibil qoyulması təklifini irəli sürdü
Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.
