Samux rayonunun Qovlarsarı kəndindən olan 44 günlük Vətən müharibəsi şəhidi Namazov Elməddin Nəsib oğlunun şəhadətinin ildönümü mərasimi keçirildi.
Samux rayonunun Qovlarsarı kəndindən olan, Gəncə şəhər şəhidlər xiyabanında dəfn olunan 44 günlük Vətən müharibəsi şəhidi Namazov Elməddin Nəsib oğlunun şəhadətinin ildönümü mərasimi keçirildi.
Samux Rayon İcra Hakimiyyətinin başçısı Alı Qocayev hüquq-mühafizə orqanlarının rəhbərləri ilə birgə Samux rayonunun Qovlarsarı kəndindən olan Vətən müharibəsi şəhidi Namazov Elməddin Nəsib oğlunun şəhadətinin ildönümü ilə bağı ailəsini, məzarını ziyarət etdi. Tədbirdə Samux Rayon İcra Hakimiyyəti, şəhidin ailəsi, yaxınları, döyüş yoldaşları, hüquq-mühafizə orqanları, Gənclər və İdman İdarəsi və Yeni Azərbaycan Partiyasının Samux rayon təşkilatı iştirak etdi. Şəhidin məzarı üzərinə gül dəstələri qoyuldu, ruhuna dualar oxundu. Samux Rayon İcra Hakimiyyətinin başçısı Alı Qocayev şəhidin adının əbədiləşdirilməsi məqsədi ilə tikilmiş bulağın açılışında da iştirak etdi. Çıxışı zamanı 44 günlük Vətən müharibəsində qazanılan zəfərdən, şəhid ailələrinə və müharibə iştirakçılarına diqqət və qayğıdan danışdı. Daha sonra
Namazov Elməddin Nəsib oğlu 07 may 1996-ci il tarixdə Samux rayon Qovlarsarı kəndində anadan olmuşdur. Gəncə şəhər 4 saylı internat tipli məktəbdə təhisil alıb. 21 sentyabr 2020-ci il tarixdə Azərbaycan Respublikasının Prezidentinin müvafiq sərəncamı ilə səfərbərlik üzrə hərbi xidmətə çağırılıb. 26 oktyabr 2020-ci il tarixdə Füzuli istiqamətində gedən döyüşlərdə şəhid olub. 27 oktyabr 2020-ci il tarixdə Gəncə şəhər şəhidlər xiyabanında dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq sərəncamına əsasən "Vətən uğrunda" və "Döyüşdə fərqlənmə görə" və "Füzulinin azad olunmasına görə" medalları ilə təltif edilib. Şəhidlərimizlə qürur duyuruq. Allahdan bütün şəhidlərimizə rəhmət diləyirik.
--
Rustam Ramizli
