Samux Rayon İcra Hakimiyyəti başçısının rayonun Aşağı Ağasıbəyli kəndində səyyari görüşü keçirilmişdir.

26 avqust   2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun Aşağı Ağasıbəyli kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Aşağı Ağasıbəyli inzibati ərazi dairəsi üzrə icra nümayəndəsi kənd barədə iclas iştirakçılarına geniş məlumat verdi. Kənd  də görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar oldu.
1. Musayev  Mətləb  Yaqub oğlu çıxış edərək kənd də  yeni subartezian quyusunun vurulması  təklifini verdi.
2. Maqsudov  Zöhrab Həzi oğlu pay torpaqlarının suvarılmasında istifadə olunan suvarma subartezianına daimi elektrik enerjisinin verilməsi   xahiş etdi.
3. Cəfərov  Səid  Yaqub oğlu  Gəncə çayından ayrılan sel arxının təmizlənməsi 
təklifi ilə çıxış etdi.

     Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.