Bu il Samuxda süni mayalanma yolu ilə 175 baş buzov doğulub
Samux rayonunda bu ilin birinci rübündə elit törədicilərin toxumları ilə 364 baş iribuynuzlu mal-qara süni mayalandırılıb.
Rayon Statistika İdarəsindən AZƏRTAC-a bildirilib ki, heyvanların süni mayalandırılmasından 175 baş bala alınıb.
Ümumiyyətlə, 2014-cü ildən bəri rayonda süni mayalanmadan 9488 baş cins buzov doğulub. Aqrolizinq yolu ilə alınan cins mal-qaranın və süni mayalanmadan alınan buzovların hesabına rayonda cins mal-qaranın sayı yerli mal-qaranın sayını üstələyib.
Ötən ilin 1 aprel tarixinə rayonda iribuynuzlu mal-qaranın sayı 23529 başa, qoyun və keçilərin sayı isə 141090 başa çatıb.
Rayonda mal-qaranın cinsinin yaxşılaşdırılması heyvandarlıq məhsulları istehsalının artmasına təsir göstərib. Bu ilin birinci rübündə rayonda ət istehsalı (diri çəkidə) 1516 ton, süd istehsalı 8164 ton olub.
