Samux rayonunda növbəti təhsilyanı şura iclası keçirilib
12.03.2021-ci il tarixində Samux Rayon Təhsil Şöbəsində rayon ümumi təhsil məktəb direktorlarının iştirakı ilə növbəti onlayn təhsilyanı şura iclası keçirilib.
İclasda Samux RTŞ-nin müdiri xanım Nurlana Həsənova, şöbənin əməkdaşları və rayon ümi təhsil müəssisələrinin direktorları iştirak ediblər.
Təhsilyanı şura iclasında Əhmədbəyli kənd E.İsgəndərov adına tam orta məktəbin monitorinqinin təhlili, Respublika fənn olimpiadalarının rayon turunda ümumi təhsil müəssisələrinin iştirakı və nəticələrin təhlili, sağlamlıq imkanları məhdud şagirdlərlə aparılan işlərin təhlili, IX sinif şagirdlərinin son 3 il üzrə buraxılış imtahanlarının nəticələri üzrə reytinq cədvəlinin müzakirəsi və məktəblərdə kadr işlərinə dair məsələlər müzakirə olunub.
Daha sonra xanım Nurlana Həsənova məktəb direktorlarına təhsilin keyfiyyətinin yaxşılaşdırılması və təhsili idarəetmə sisteminin təkmilləşdirilməsinin əsas hədəflərdən olduğunu bildirərək göstəriş və tövsiyələrini verib.