Samux Rayon İcra Hakimiyyəti başçısının rayonun Qiyaslı kəndində səyyari görüşü keçirilmişdir.
08 iyul 2014-cü il tarixdə Samux Rayon İcra Hakimiyyətinin başçısı cənab Alı Qocayevin rayonun Qiyaslı kənd sakinləri ilə növbəti səyyari görüşü keçirildi.
Görüşdə kənd sakinləri ilə yanaşı İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Qiyaslı kənd inzibati ərazi dairəsi üzrə icra nümayəndəsi Xəlilov Cavanşir kənd barədə iclas iştirakçılarına geniş məlumat verdi. Kənd də görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd sakinləri tərəfindən çıxışlar oldu.
1. Əliyeva Qiyafət İbad qızı çıxış edərək kənd də yeni subartezian quyusunun vurulması təklifini verdi.
2. Cəfərov Əlövsət Cahangir oğlu kənddəki yararsız elektrik dirəklərinin dəyişdirilməsini xahiş etdi.
3. Ağayev Qəhrəman Ərşad oğlu Qiyaslı – Zazalı yolunun cari təmiri təklifi ilə çıxış etdi.
Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.