Samux Rayon İcra Hakimiyyəti başçısının rayonun Samux şəhərində səyyari görüşü keçirilmişdir.

07.01.2014-cü il tarixdə Samux Rayon İcra Hakimiyyəti başçısı cənab Alı Qocayevin səyyari görüşü rayonun Samux şəhərində  keçrildi.
Səyyari görüşdə İcra Hakimiyyəti başçısının müavinləri,icra aparatının şöbə müdirləri,hüquq-mühafizə orqanlarının,idarə,müəssisə və təşkilatların rəhbərləri iştirak edirdilər.
Şəhərdə  görülmüş işlər və sakinləri narahat edən məsələ və problemlər haqqında məlumatı qəsəbə inzibati ərazi dairəsi üzrə icra nümayəndəsi vəzifəsini müvəqqəti icra edən Qəhrəmanov Famil verdi. Sonra şəhər  sakinləri tərəfindən çıxışlar və təkliflər oldu. Belə ki, sakinləri narahat edən bəzi problemlər barədə bir neçə nəfərin çıxışları və təklifləri dinlənildi.
1. Orucov Rövşən Möhübbət oğlu evinə elektrik və qaz sayğacının quraşdırılmasını xahiş etdi.  Samux  rayon PEŞ – nin rəis əvəzi Razim Qasımova və Qaz İstismar İdarəsinin rəisi Xəqani Əliyevə 1 həftə müddətində  xahişin  yerinə yetirilməsi tapşırıldı
2. İbrahimova Gülarə Firuddin qızı yararsiz  elektrik  dirəklərinin  dəyişdirilməsi təklifi ilə çıxış etdi.        Samux rayon Elektrik Şəbəkəsinin rəis əvəzi  Razim Qasımova təklifin yerinə yetirilməsi tapşırıldı.
3. Hüseynova Tükəzban Ələddin qızı isə içməli su xəttinin təmir olunmasını  təklif etdi. Su Kanal İdarəsinin rəisi Süleyman Cəfərova təklifin tezliklə yerinə yetirilməsi tapşırıldı.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.