Samux rayonunda təmizlik-abadlıq işləri uğurla həyata keçirilməkdədir
Ekoloji durumun yaxşılaşdırılması məqsədi ilə Samux rayonunda təmizlik-abadlıq işləri uğurla həyata keçirilməkdədir.
Samux şəhərinin prospekt və küçələrində yaşıllıq sahələrinə xüsusi qulluq göstərildi. Keçirilən aksiyanın əsas məqsədi ərazilərin çirkləndirilməsi və zibillənməsinin qarşısının alınması, o cümlədən, ətraf ərazidə təmizliyə riayət olunması ilə bağlı ictimaiyyətin maarifləndirilməsi olmuşdur. Ümumilikdə, 25 maşın müxtəlif növ məişət tullantılarının daşınması həyata keçirilmiş, 400-dən çox müxtəlif növ mövsümi ağaclar əkilmişdir. Əkilən ağaclara daimi qulluq göstərilməsi üçün suvarılma məsələləri həll edilmişdir. Yol kənarları boyu ağacların tozlardan təmizlənməsi məqsədi ilə yuyulması işləri həyata keçirilmişdir. Həmçinin, ilboyu həmin ağaclara qulluq məsələləri yerli icra qurumları tərəfindən nəzarətə alınmışdır.
