Samux Rayon İcra Hakimiyyəti başçısının rayonun Hacıalılı kəndində səyyari görüşü keçirilmişdir.

27 may   2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun Hacıalılı  kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Hacıalılı kənd  inzibati ərazi dairəsi üzrə icra nümayəndəsi Sabit Verdiyev   kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi,qaz və  su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar oldu.
1. Səlmanov Zülfüqar Ərşad oğlu pay torpaqlarının suvarılmasında istifadə  olunan subartezianın bərpasına köməklik göstərilməsini xahiş etdi.
2. Əliyev Suliddin Ağabala oğlu yararsız elektrik naqillərinin cari təmiri  edilməsini xahiş etdi.
3. Musayev Əbülfət Mayıl oğlu kəndin mərkəzi yolunun təmir edilməsi  təklifi ilə çıxış etdi.
4. Musayev Musa Əhməd oğlu çıxışında  yeni yaşayış massivinə təbii qaz xəttinin çəkilməsi  təklifini irəli sürdü.

               Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.