Samux Rayon Heydər Əliyev Mərkəzində “Muzeylər Gecəsi “ aksiyası keçirilmişdir.
17.05.2014 tarixində Samux Rayon Heydər Əliyev Mərkəzində Beynəlxalq Muzeylər Günü münasibətilə “Muzeylər Gecəsi” aksiyası keçirilmişdir. Tədbirdə I saylı məktəb-liseyin müəllim və şagirdləri, rayon ziyalıları, idarə və müəssisələr və əmək qabaqcılları iştirak edirdilər. Həmin gün qonaqlar Mərkəzdə eksponatlar ilə tanış olmuş və ”Müstəqillik yollarında” kinofilmlər göstərilmişdir. Tədbiri giriş sözü ilə Samux Rayon Mədəniyyət və Turizm şöbəsinin müdiri K.Vəliyev açmışdır. Daha sonar çıxış edən Heydər Əliyev Mərkəzinin əməkdaşı Məmmədova İradə öz məruzəsində muzeylərin yaranma tarixi , onların qorunub saxlanması haqqında məlumatları tədbir iştirakçılarının diqqətinə çatdırmışdır. Tədbir yüksək səviyyədə təşkil olunmuş bədii hissə ilə davam etdirilmişdir. Ulu Öndər Heydər Əliyev haqqında şeirlər söylənmiş, mahnılar oxunmuşdur. Mərkəzdə fəaliyyət göstərən rəqs qrupunun ifasında rəqs təqdim edilmişdir.
