Samux Rayon İcra Hakimiyyəti başçısının rayonun Yenikənd kəndində səyyari görüşü keçirilmişdir.

13 may   2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun Yenikənd kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Yenikənd kənd  inzibati ərazi dairəsi üzrə icra nümayəndəsi  kənd barədə iclas iştirakçılarına geniş məlumat verdi. Kənd  də görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra kənd  sakinləri tərəfindən çıxışlar oldu.
1. Hüseynov Zülfüqar Məhərrəm oğlu  çıxış edərək Qarasaqqal su kanalının təmizlənməsinə        köməklik göstərilməsini xahiş etdi.
2. Musayev Biləndər Cahangir oğlu mal - qara üçün örüş sahəsinin ayrılmasını xahiş etdi.
3. Qasımov Sultan Abuzər oğlu kənddəki  yararsız  elektrik  dirəklərinin dəyişdirilməsi  təklifi ilə çıxış etdi.
4. Mehtiyev Mehdipaşa Həsən oğlu ona Həyətyanı  torpaq sahəsinin verilməsi    xahiş etdi.

             Səyyar qəbulu  yekunlaşdıran Samux  RİH-nin başçısı cənab Alı Qocayev kənd  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.