Samux Rayon İcra Hakimiyyəti başçısının rayonun Qırmızı Samux qəsəbəsində səyyari görüşü keçirilmişdir.

15 aprel   2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun Qırmızı Samux  qəsəbə sakinləri ilə növbəti səyyari görüşü keçirildi.
Görüşdə İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Qırmızı Samux  qəsəbə bələdiyyəsinin sədri Kazımov Sərxan  qəsəbə  barədə iclas iştirakçılarına geniş məlumat verdi. Qəsəbədə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra qəsəbə sakinləri tərəfindən çıxışlar oldu.
1. Sadıqov  Cabbar  Qasım  oğlu çıxış edərək pay torpaqlarının suvarılması üçün əlavə su nasosunun quraşdırılması    xahiş etdi.
2. Səfərov Şamxal Qəhrəman oğlu Yenikənd – Qırmızı Samux  avtomobil yolunun cari təmiri   təklifi ilə  çıxış etdilər.
3. Həsənova  Əsmər  İmamverdi qızı Gəncə - Qırmızı Samux maşurut avtobusunun qrafikə uyğun işlənilməsini xahiş  etdi.
4. Qafarov  Qiyas Əbdürrəhman oğlu şor  kanalının təmizlənməsinə ehtiyac olduğunu bildirdi. 

         Səyyar qəbulu  yekunlaşdıran Samux  RİH-nin başçısı cənab Alı Qocayev qəsəbə  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.