Samux Rayon İcra Hakimiyyəti başçısı yanında fəaliyyət göstərən şuranın 11 aprel 2014 – cü il tarixində iclası keçirilmişdir.
Samux Rayon İcra Hakimiyyəti başçısı yanında 11 aprel 2014 – cü il tarixdə keçirilən 07 saylı şura iclasında “Azərbaycan Respublikası Prezidenti Administarsiyasının rəhbəri cənab Ramiz Mehdiyevin 04 aprel 2014-cü il tarixli 2/199 saylı məktubu ilə göndərilmiş Beyləqan rayon İcra Hakimiyyəti başçısının aparatında dövlət hakimiyyəti orqanlarının yerli qurumlarında vətəndaşların qəbulu, onların müraciətlərinə baxılması və sənədlərlə işin vəziyyəti haqqında arayışının icrasına dair” geniş müzakirə edildi. Samux rayon İcra Hakimiyyəti başçısı yanında fəaliyyət göstərən şura iclası qeyd edir ki, arayışda son illər Azərbaycan Respublikası Prezidentinin Adiministrasiyasına ünvanlanan vətəndaş müraciətlərinin təhlili, respublikanın əksər şəhər və rayonlarından daxil olan müraciətlərin, o cümlədən şikayətlərin sayında azalma müşahidə olunsa da bəzilərində vəziyyətin qaneedici olmadığı göstərilir.
Bununla əlaqədar Azərbaycan Respublikası Prezidenti Administrasiyasının Sənədlərlə və vətəndaşların müraciətləri ilə iş şöbəsi tərəfindən Respublika Baş Prokurorluğu və Daxili İşlər Nazirliyi nümayəndələrinin iştirakı ilə Beyləqan Rayon İcra Hakimiyyəti başçısının aparatında, inzibati ərazi dairəsi üzrə nümayəndəliklərində və dövlət hakimiyyəti orqanlarının, yerli qurumlarında 2012-2013-cü illərdə və bu ilin yanvar – fevral aylarında vətəndaşların qəbulu, onların müraciətlərinə baxılması və sənədlərin işinin vəziyyəti öyrənilmişdir.
Son ildə Beyləqan rayonundan Prezident Administrasiyasına daxil olan müraciətlərin o cümlədən, şikayətlərin sayında artım müşahidə olunur və təəssüf ki, bu artımı doğuran səbəblər müəyyən edilib aradan qaldırılmamışdır.
2013-cü ildə RİHB-nın və onun aparatının fəaliyyəti ilə bağlı Beyləqan rayonundan Prezident Administrasiyasına 84 müraciət daxil olduğu halda vətəndaş müraciətlərinə baxılmasına dair Prezident Administrasiyasına RİH-nin təqdim etdiyi hesabatda bu mövzuda müraciətin ümumiyyətlə daxil olmadığı bildirilmişdir.
Yoxlama zamanı RİH-də vətəndaşların qəbulu vəziyyəti öyrənilmişdir. Müvafiq qəbul cədvəllərinin təhlili göstərir ki, həmin cədvəllərdə qəbul günləri bayramlara təsadüf etdikdə Azərbaycan Respublikası Prezidenti Administrasiyasının Sənədlərlə və vətəndaşların müraciətləri ilə iş şöbəsinin tövsiyəsinə əsasən qəbulun növbəti iş gününə keçirilməsi qaydası təsbit edilməmişdir.
RİHB aparatında vəzifəli şəxslər tərəfindən qəbulların fərdi qaydada öz iş otaqlarında keçirilməsi qəbula gəlmiş vətəndaşların qeydiyyatı və uçotunun mərkəzləşdirilmiş qaydada aparılmasına mane olur.
RİH-də səyyar qəbulların keçirilmə təcrübəsindən istifadə olunur, lakin təhlil göstərir ki, bəzi hallarda onlar vətəndaşlarla görüş xarakteri daşımış, şikayətçilərin fərdi qaydada müraciət etmələri üçün zəruri şərait yaradılmamışdır.
RİH-də sənədlərlə iş o cümlədən sənədlərin uçotu və onların icrasına nəzarət tələb olunan səviyyədə təşkil edilməmiş, təhlil və statistika işi reallığı əks etdirməyən rəqəmlər əsasında qurulmuşdur. Bundan əlavə sənədlərin elektron qeydiyyat sistemi yaradılmamış, sənədlərin icrası ilə bağlı arayışların böyük əksəriyyəti hələdə əl yazma şəklində tərtib olunur, İKT-nın imkanlarından istifadə edilmir, RİH-dəki daxili qeydiyyat sistemi bu günə qədər qeydiyyat kitabları vasitəsilə aparılır.
Azərbaycan Respublikası Prezidentinin 2012-ci il 6 iyun 648 nömrəli Fərmanı ilə təsdiq edilmiş “Yerli icra hakimiyyəti haqqında Əsasnamə”nin 4.1.23-cü və 4.1.24-cü yarımbəndlərinə uyğun olaraq “Şəhər, rayon icra hakimiyyətinin Fəxri Fərmanın təsis olunması, həmin fəxri fərmanla təltif etmə qaydalarının və onun nümunəsinin təsdiq edilməsi haqqında ” qərarın nümunəvi forması RİH-yə göndərilmişdir. RİH-də məktuba əlavə olunmuş nümunələrdən istifadə edilərək qərar qəbul olunmuşdur. Lakin həmin qərar heç bir yerdə qeydiyyatda düşməmişdir. Ümumiyyətlə RİH-də qərar formasında başqa akt qəbul olunmamışdır.
Nümayəndəliklərin fəaliyyəti qüvvədə olan normativ aktların tələblərinə uyğun qurulmamış, sənədlərin və vətəndaş müraciətlərinin qəbulu, qeydiyyatının aparılması ilə əlaqədar kargüzarlıq işi, Azərbaycan Respublikası Prezidentinin 1998-ci il 29 dekabr tarixli Fərmanı ilə təsdiq edilmiş “Dövlət hakimiyyəti orqanlarında idarə, təşkilat və müəssisələrdə vətəndaşların təklif,ərizə və şikayətləri üzrə kargüzarlığın aparılması Qaydaları”na uyğun təşkil olunmamışdır.
Bu təşkilatların bəzilərində qeydiyyat kitabları Azərbaycan Respublikası Prezidentinin 2003-cü il 27 sentyabr tarixli Fərmanı ilə təsdiq edilmiş “Dövlət hakimiyyəti orqanlarında idarə, təşkilat və müəssisələrdə vətəndaşların təklif,ərizə və şikayətləri üzrə kargüzarlığın aparılmasına dair Təlimat”ın tələblərinə ümumilikdə cavab vermir, hətda bəzi hallarda kitabların səhifələnib nömrələnməsi, iş qovluqları və qeydiyyat nömrələrinin verilməsinə ümumiyyətlə diqqət yetirilmir.
Yoxlama zamanı arxiv işinin öyrənilməsi göstərmişdir ki, Azərbaycan Respublikası Prezidenti Administrasiyasında “Sənədlərin Ekspertizası və Arxiv işi üzrə Mərkəzi Ekspert Komissiyasının yaradılması haqqında” Azərbaycan Respublikası Prezidentinin 1999-cu il 14 may tarixli 146 saylı Sərəncamının icrası ilə əlaqədar Prezidenti Administrasiyasına son 3 ildə göndərilən hesabatlar düzgün tərtib edilməmiş , orada olan məlumatlar həqiqəti əks etdirməmişdir. RİHB aparatında, yerli inzibati ərazi dairələri üzrə nümayəndəliklərində və rayonda yerləşən ikili tabeli dövlət qurumlarında sənədlərin “Milli Arxiv Fondu haqqında” Azərbaycan Respublikasının 1999-cu il 22 iyun tarixli Qanunda nəzərdə tutulmuş müddətdə saxlayıb daim mühafizə olunmaq üçün Dövlət Arxivinə təhvil verilməsi tələblərinə riayət olunmamışdır.
Müzakirə zamanı müvafiq tapşırıqlar verilərək, aşağıdakı qərarlar qəbul edildi:
1.Samux rayon İcra Hakimiyyəti başçısı aparatında komissiya yaradılsın, arayışı əldə rəhbər tutaraq komissiya rayon İcra Hakimiyyəti başçısının inzibati ərazi dairələri üzrə nümayəndəliklərində və dövlət hakimiyyəti orqanlarının yerli qurumlarında vətəndaşların qəbulu, onların müraciətlərinə baxılması və sənədlərlə işin vəziyyətini araşdırıb ilin 6 aylığında yenidən Şuranın müzakirəsinə çıxarılmasını təmin etsin.
2.Tapşırılsın aparatın Sənədlərlə və vətəndaşların müraciətləri ilə iş şöbəsinin müdiri R.Mahmudovaya arayışda qeyd olunan nöqsanlara yol verilməməsi ilə bağlı lazımı tədbirlərin görülməsini təmin etsin
