Samux Rayon İcra Hakimiyyəti başçısının rayonun Alıuşağı kəndində səyyari görüşü keçirilmişdir.

08 aprel  2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun Alıuşağı kənd  sakinləri ilə növbəti səyyari görüşü keçirildi.
Görüşdə kənd sakinləri ilə yanaşı  İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Alıuşağı  kənd  inzibati ərazi dairəsi üzrə icra nümayəndəsi Məmmədov Qabil Alıuşağı kəndi barədə iclas iştirakçılarına geniş məlumat verdi. Kənd  də görülmüş işlər, təbii qaz, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra qəsəbə sakinləri tərəfindən çıxışlar oldu.
1. İbrahimova  Dilbər  Hüseyn qızı çıxış edərək kənddə yeni uşaq  bağçasının açılmasına    köməklik göstərilməsini xahiş etdi.
2 Musayev  Məhəbbət  Nəriman oğlu 1 ədəd subartezian quyusunun balansa götürülməsi ilə bağlı təkliflə çıxış etdi.
3. Verdiyev  Polad  Tofiq oğlu və İsgəndərov  Fərman  Süleyman oğlu   isə öz çıxışlarında yararsız hala düşmüş elektrik dirəklərinin yenisi ilə əvəzlənməsi təklifi ilə çıxış etdilər.
          Səyyar qəbulu  yekunlaşdıran Samux  RİH-nin başçısı cənab Alı Qocayev qəsəbə  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.