Samux Rayon İcra Hakimiyyəti başçısının rayonun İnstitut qəsəbəsində səyyari görüşü keçirilmişdir.

28 mart  2014-cü  il tarixdə Samux Rayon İcra Hakimiyyətinin başçısı cənab Alı Qocayevin rayonun İnstitut qəsəbə sakinləri ilə növbəti səyyari görüşü keçirildi.
Görüşdə İcra hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə İnstitut qəsəbə inzibati ərazi dairəsi üzrə icra nümayəndəsi Məmmədov Səbuhi  İnstitut qəsəbəsi  barədə iclas iştirakçılarına geniş məlumat verdi. Qəsəbədə görülmüş işlər, təbii qaz, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.
Daha sonra qəsəbə sakinləri tərəfindən çıxışlar oldu.
1. Mürsəlova Minarə  Abuzər  qızı çıxış edərək ona həyətyanı  torpaq sahəsinin   verilməsinə köməklik göstərilməsini xahiş etdi.
2. İbrahimov Rizvan  Vidadi  oğlu və Süleymanova  Sevil  Nəsib  qızı elektrik enerjisinin təminatı ilə bağlı təkliflərlə çıxış etdilər.
3. Abbasov   Vilayət  Gülalı oğlu isə öz çıxışında içməli  su  xəttinin bərpası təklifi ilə çıxış etdi. 
        Səyyar qəbulu  yekunlaşdıran Samux  RİH-nin başçısı cənab Alı Qocayev qəsəbə  sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.