Samux rayon Heydər Əliyev Mərkəzində tədbir keçirildi.
Samux rayon Heydər Əliyev Mərkəzində "Uşaq hüquqları aylığı" çərçivəsində Samux rayon Çobanabdallı kəndi uşaq baxçası və Qarabağlılar kənd uşaq baxçaları ilə birlikdə tədbir təşkil edildi. Uşaqlar bələdçinin izahı ilə ekskursiya zalında ulu öndər Heydər Əliyevin həyat və yaradıcılığını əks etdirən fotolardan ibarət stentlə tanış oldular, uşaqları maraqlandıran suallara cavab verildi. Tədbirin rəsmi hissəsini giriş sözü ilə açan Samux rayon Heydər Əliyev Mərkəzinin direktoru Nuranə Həsənova uşaqları salamladı. Onlara uşaq hüquqlarının yaranması günündən, təsis olunmasından danışdı. Mərkəzin elmi işçisi Əliyeva Güləbətin uşaq hüquqlarından geniş bəhs etdi. Samux rayon Çobanabdallı kənd uşaq bağçasının müdiri Leyla xanım və Qarabağlılar kənd uşaq bağçasının müdiri Nahibə xanım, Çobanabdallı kənd uşaq bağçasının tərbiyəçisi Nazilə müəllimə, Aypara müəllimə Qarabağlılar kənd uşaq baxçasının tərbiyəçisi Sürəyya müəllimə mövzu haqqında öz fikirləriylə çıxış etdilər. Uşaqlar" uşaq hüquqları haqqında öz bildiklərini bölüşdülər və şeirlər danışdılar.
