Bu ilin birinci rübündə Samuxda 308 yeni iş yeri açılıb
06 may 2019 | 16:00
Bu ilin birinci rübündə Samux rayonunda 308 yeni iş yeri açılıb ki, bunun da 240-ı daimi iş yeri olub.
Samux Rayon Statistika İdarəsindən AZƏRTAC-ın bölgə müxbirinə bildirilib ki, daimi iş yerlərinin 94-ü mövcud müəssisə və təşkilatlarda, 3-ü yeni yaradılmış müəssisə və təşkilatlarda, 143-ü isə fiziki şəxslər tərəfindən yaradılıb. Bununla yanaşı, digər tədbirlər üzrə 68 yeni iş yeri açılıb.
Rayonda yeni istixanaların və aqroparkların yaradılması yeni iş yerlərinin açılmasında və bununla da işsizlik probleminin aradan qaldırılmasında mühüm əhəmiyyət kəsb edir.
Samux, 6 may, Rauf Hacıyev, AZƏRTAC
Keçidlər
