Samux rayonunda “Zərif ana, zərif həkim uşaqların gözü ilə” adlı tədbir keçirildi.
Samux rayon Heydər Əliyev Mərkəzində Samux rayon Təhsil Şöbəsi ilə birlikdə Respublikasının əməkdar elm xadimi, tibb elmləri doktoru, Azərbaycan Milli Elmlər Akademiyasının akademiki görkəmli oftolmoloq Zərifə Əliyevanın “Zərif ana, zərif həkim uşaqların gözü ilə” adlı tədbir keçirildi. Tədbiri giriş sözü ilə açan Samux rayon Heydər Əliyev Mərkəzinin elmi işçisi Aygül Cabbarova Zərifə Əliyevanın zəngin həyat və fəaliyyəti haqqında çıxış edərək ətraflı məlumat verdi.O, məruzəsində bildirdi ki, Zərifə xanım Əliyevanın elmi əsərləri, tədqiqatları yenə də aktualdır və onun XX əsrin ortalarında ölkədə yayılan traxoma xəstəliyinin qarşısının alınmasında göstərdiyi əvəzsiz xidmətlər tibb elminin inkişafında mühüm rol oynamışdır. Məktəblilər və müəllimlər mövzu ətrafında fikirlərini bölüşdülər.
