Samuxda 3061 hektar sahədə yazlıq bitkilərin əkini aparılıb
23 aprel 2019 | 16:00
Samuxda bu ilin məhsulu üçün yazlıq bitkilərin əkini davam etdirilir.
Rayon Statistika İdarəsindən AZƏRTAC-ın bölgə müxbirinə bildirilib ki, aprelin 1-nə kimi bütün təsərrüfat kateqoriyaları daxil olmaqla, 3061 hektar sahədə yazlıq bitkilərin əkini aparılıb. Bu da əvvəlki ilin müvafiq dövrü ilə müqayisədə 418 hektar çoxdur.
Cari ilin məhsulu üçün aparılmış yazlıq bitkilərin əkininin 1861 hektarı ailə kəndli və ev təsərrüfatlarının, 1200 hektarı isə kənd təsərrüfatı müəssisələrinin payına düşür.
Samux, 23 aprel, Rauf Hacıyev, AZƏRTAC
Keçidlər
