Samux rayonu üzrə əhalinin tibbi müayinəsi davam etdirilir.
Azərbaycan Respublikası Prezidentinin tapşırığına əsasən fevralın 11-dən başlanan əhalinin tibbi müayinəsi və dispanserizasiyası Samux rayonunda da mütəşəkkil qaydada həyata keçirilir.
Samux rayonu üzrə həkim briqadaları yaradılaraq, kəndlərə gediş qrafikləri tərtib edilərək və təşkilati işlər görüldükdən sonra 11.02.2019-cu il tarixdən əhalinin kütləvi dispanserizasiyasına başlanımışdır. Müayinənin başladığı 11.02.2019-cu il tarixdən hazırki vaxtadək 23 yaşayış məntəqəsinin əhalisi tibbi müayinəyə cəlb edilmiş və 19 yaşayış məntəqəsində müayinə tam başa çatdırılmışdır. Müayinələr zamanı 18560 nəfər tibbi müayinədən keçmiş əhalidən, 828 nəfərdə müxtəlif xəstəliklər aşkar edilərək ambulator müalicəyə cəlb edilmiş,113 nəfər ixtisaslaşmış tibb müəssisəsinə göndərlimiş və 59 nəfər xəstə isə Samux MRX-na stasionar müalicəyə göndərilmişdir. Qalan müddət ərzində də tibb kollektivimiz müayinənin daha yüksək səviyyədə aparılmasını təmin etmək üçün əlindən gələni əsərgəmiyəcək.
