Heydər Əliyev dünya azərbaycanlılarının lideridir.

Heydər Əliyev şəxsiyyətinin Azərbaycan dövlətçilik tarixində müstəsna yeri vardır. Azərbaycançılıq məfkurəsinin parlaq daşıyıcısı kimi Heydər Əliyev öz müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsinə, müasir Azərbaycan dövlətinin qurulmasına və xalqımızın müstəqillik arzusuna çatmasına nail olmuşdur. Məhz Heydər Əliyevin fəaliyyəti nəticəsində Azərbaycan özünün geostrateji, iqtisadi və mədəni potensialından istifadə edərək Şərqlə Qərb arasında etibarlı körpü rolunu oynamağa başlamış və dünyanın ən dinamik inkişaf edən ölkələrindən birinə çevrilmişdir.Məlum olduğu kimi müstəqil Azərbaycan dövlətinin hərtərəfli inkişafı yolunda əvəzsiz tarixi xidmətlərini nəzərə alaraq, milli dövlətçilik ideyasının bərqərar olması və ölkəmizin beynəlxalq aləmdə nüfuzunun artması naminə misilsiz töhfələr vermiş Azərbaycan xalqının ümummilli lideri Heydər Əliyevin Anım günü ölkə miqyasında keçirilməkdədir. Məhz bu qəbildən olan tədbirlərdən biri də  10 -11dekabr 2013-cü il tarixində Samux rayon İcra Hakimiyyətinin təşəbüsü ilə  Heydər  Əliyev Mərkəzində keçirilmişdir.  “Azərbaycan  üçün  yaşanan ömrün  böyük  anları”, “Heydər  Əliyev  dünya  azərbaycanlılarının  lideridir”  mövzularında dəyirmi  masalar  elmi praktik  konfranslar  təşkil  edilmişdir. Tədbir ulu öndərin əziz xatirəsinin bir dəqiqəlik sükutla  yad  edilməsi  ilə  başlamışdır.