Samux rayonunda 2013-cü ilin 9 ayının sosial-iqtisadi inkişafının yekunlarına və qarşıda duran vəzifələrə həsr olunmuş şura iclası keçirildi
2013-cü il oktyabrın 21-də Samux Rayon İcra Hakimiyyəti başçısı yanında Şuranın 2013-cü ilin 9 ayının sosial-iqtisadi inkişafının yekunları və qarşıda duran vəzifələrə həsr olunmuş iclası keçirildi..
Samux Rayon İcra Hakimiyyətinin başçısı cənab Alı Qocayev 2013-cü ilin 9 ayı ərzində əldə olunmuş uğurlardan, aparılmış quruculuq və abadlıq işlərindən, qarşıda duran vəzifələrdan danışdı.
Respublikamızın hər yerində olduğu kimi Samux rayonunda abadlıq-quruculuq işlərinin davamlı olaraq aparıldığını qeyd edən cənab Alı Qocayev əhalinin iqtisadi, sosial durumunun yüksəldilməsi istiqamətində ardıcıl tədbirlər həyata keçirildiyini vurğuladıBununla belə, rayon ərazisində problemlərin mövcud olduğunun bildirən rayon rəhbəri onların həlli istiqamətində məqsədyönlü işlərin görüldüyünü qeyd etdi.
