12 avqust- Beynəlxalq Gənclər günü münasibəti ilə Samux gənclərinin konfransı keçirilmişdir.
12 Avqust 2013-cü il tarixdə Samux rayon İcra hakimiyyətinin akt zalında “12 avqust -Beynəlxalq Gənclər günü “ münasibəti ilə Samux gənclərinin konfransı keçirilmişdir.
Tədbir iştirakçıları əvvəlcə Ümummilli lider Heydər Əliyevin abidəsi önünə gül qoyaraq öz ehtiramlarını bildirmişlər.
Konfransda Rayon İcra Hakimiyyəti Başçısı cənab Alı Qocayev çıxış edərək gənclərin ictimai fəallığının xüsusi önəm daşıdığını bildirərək bütün sahələrdə gənclərə qayğı göstərildiyini qeyd edərək gənclərin aktivliyini cənab prezidentimiz İlham Əliyevin daim diqqətdə saxladığını xatırlatmışdır.
Sonra konfrans ictimai fəallığı ilə seçilən rayon gənclərinin çıxışı ilə davam etmişdir.Çıxış edənlər qarşıdan gələn prezident seçkilərində Samux gənclərinin daha da fəal olacaqlarını qeyd etmişlər.
Sonda bir qrup gənc Samux rayon İcra Hakimiyyəti Başçısı tərəfindən hədiyyələrlə mükafatlandırılmışdır.
