Samuxlu şəhid Səhrəddin Əliyevin anım günü ilə bağlı tədbir keçirilib
04 dekabr 2017 | 16:00
Şəhər 2 nömrəli tam orta məktəbdə Samux rayonunun ilk şəhidlərindən olan Səhrəddin Əliyevin anım günü ilə bağlı tədbir həyata keçirilib.
Tədbirin keçirilməsində məqsəd məktəblilərdə milli vətənpərvərlik ruhunun yüksəldilməsinə yardımçı olmaq, məktəbliləri Azərbaycanın qəhrəman oğulları haqqında ətraflı məlumatlandırmaq olub.
İlk olaraq Samux Rayon Təhsil Şöbəsinin, rayon Polis Şöbəsinin əməkdaşları, məktəbin kollektivi tərəfindən şəhidin məzarı ziyarət edilib. Daha sonra 2 nömrəli tam orta məktəbin iclas zalında tədbir həyata keçirilib.
Şəhidin anım günü ilə bağlı keçirilmiş tədbirin gedişatında məktəblilərin ifasında müxtəlif vətənpərvərlik mövzusunda səhnəciklər, çıxışlar, mahnı və şeirlər nümayiş etdirilib.
Keçidlər
