Samux Rayon İcra hakimiyyəti başçısı yanında fəaliyyət göstərən şuranın növbəti iclası keçirildi
Samux rayonu İcra hakimiyyəti başçısı yanında fəaliyyət göstərən şuranın növbəti geniş tərkibli iclası keçirildi. Şura iclası Samux Mərkəzi Rayon Xəstəxanasına dövlət büdcəsinin Samux rayonu üzrə yerli gəlir və xərclərindən ayrılmış vəsaitlərin təyinatı üzrə xərclənmələrin yoxlanılmasının nəticəsinə həsr edilmişdi. Rayon İcra hakimiyyətinin başçısı cənab Alı Qocayevin sədrliyi ilə keçirilən iclasda rayonun hüquq-mühafizə orqanlarının, idarə, müəssisə və təşkilatlarının rəhbərləri, yerli icra nümayəndələri və bələdiyyə sədrləri, eləcə də rayon ictimaiyyətinin nümayəndələri iştirak edirdilər. Şura iclası rayon İcra hakimiyyətinin akt zalında keçirilirdi.
Tədbiri giriş sözü ilə açan cənab Alı Qocayev ilk öncə şuranın müazkirəsinə çıxarılan məsələlər barədə ətraflı məlumat verdi.
Şurada müzakirəyə çaxarılmış məsələlərə dair İcra Hakimiyyəti başçısının Humanitar məsələlər üzrə müavini-şöbə müdiri Kəmalə Xəlilova çıxış edərək bildirdi ki, səhiyyə sisteminin yenidən qurulması və inkişafı son 14 ildə keyfiyyət baxımından daha sürətlə inkişaf etmişdir. Belə ki ümummilli liderimizin ən layiqli davamçısı möhtərəm Prezidentimiz cənab İlham Əliyevin müdrik və uzaqgörən siyasəti ilə səhiyyə sektoru daha da surətlə inkişaf etmiş, yeni-yeni səhiyyə ocaqları üçün binalar tikilərək istifadəyə verilmiş, müasir tələblərə cavab verən tibbi avadanlıqlarla təchiz edilmişdir. Bütün bunlar ölkə başçısının beynəlxalq aləmdə gedən siyasi, iqtisadi və sosial prosesləri düzgün və vaxtında qiymətləndirməsi, iqtisadi və sosial sahədə qazanılan uğurlar nəticəsində mümkün olmuşdur. Belə ki, aparılan uğurlu siyasət nəticəsində 2004-2008-ci illəri və 2009-2013-cü illəri əhatə edən Dövlət Proqramı müvəffəqiyyətlə yerinə yetirilmiş, 2014-2018-ci illəri əhatə edən üçüncü Dövlət Proqramının da icrasına uğurla başlanılmışdır.
Məsələ ətrafında geniş müzakirələr aparıldı, İcra başçısı aidiyyatı üzrə müvafiq tapşırıqlarını verdi. Şura iclası işgüzar şəraitdə keçdi.
