Şriftin ölçüsü :

Saytın rəngi :

Samux rayonunda 01 İyun - Uşaqların Beynəlxalq Müdafiəsi Günü münasibətilə bayram şənliyi təşkil edilmişdir.

02 iyun 2013 | 15:00

01   İyun - Uşaqların Beynəlxalq Müdafiəsi  Günü münasibətilə  Samux  rayon  İcra  Hakimiyyəti  tərəfindən  “Şəhzadə ” şadlıq  sarayında  bayram  şənliyi  keçirilmişdir. Tədbirə  əsasən  sosial  müdafiəyə xüsusi  ehtiyacı  olan  uşaqlar  dəvət  olunmuşdur.
     Rayon  İcra  Hakimiyyətinin  başçısı  Alı  Qocayev çıxış edərək  bildirdi ki, 01 iyun 1950-ci ildən  dünyada  uşaqların Beynəlxalq  müdafiə   günü  kimi qeyd  olunur. Bu təsadüfi deyil, çünki müasir  dövrdə  uşaqların  problemlərinin həlli,  uşaq  hüquqlarının qorunması  ən aktual  vəzifələrdən biridir. Uşaqların  yüksək  qayğı  ilə  əhatə  olunması, əlverişli mənəvi və  sosial  mühitdə  böyüməsi  üçün zəruri  şəraitin  yaradılması, hərtərəfli  şəxsiyyət  və  layiqli  vətəndaş  kimi  formalaşması   əsası ümummilli  lider  Heydər  Əliyev  tərəfindən  qoyulmuş dövlət  uşaq  siyasətinin prioritet  istiqamətlərindən  birini  təşkil  edir.
     Tədbirdə  xüsusi  qayğıya  ehtiyacı  olan  uşaqlara  rayon  İcra Hakimiyyəti  başçısı  tərəfindən  hədiyyələr  təqdim edildi.
     Bayram  şənliyində rayon uşaq bağçalarının hazırladıqları rəqslər və səhnəciklər böyük maraqla izlənildi.
     Tədbirdə həmçinin  rayon  Mədəniyyət  evinin kollektivi geniş  konsert  proqramı  ilə  çıxış  etmişdir.

Keçidlər