Samux Rayon İcra Hakimiyyətinin Başçısı vətəndaşların növbəti fərdi qaydada qəbulunu keçirdi
Samux Rayon İcra Hakimiyyətinin Başçısı cənab Alı Qocayevin başçılığı ilə vətəndaşların növbəti fərdi qaydada qəbulu keçirilmişdir.
Qəbulda rayon İcra Hakimiyyəti Başçısı Aparatının məsul işçiləri, hüquq mühafizə orqanları, aidiyyatı idarə, təşkilat, xidmət sahələrinin rəhbərləri, İnzibati Ərazi Dairələri üzrə nümayəndələr və bələdiyyə sədrləri iştirak etmişlər.
Vətəndaşların qəbulu saat 10:00-da başlamış, qəbula yazılmış 16 nəfər vətəndaşın müraciəti dinlənilmişdir. Onlardan 2 nəfəri mülki məsələ ilə əlaqədar, 1 nəfəri dükanının sənədləşməsi ilə bağlı, 1 nəfər işlə təmin olunması ilə əlaqəli, 1 nəfər nəvəsinin doğum haqqında şəhadətnaməsinin verilməsi üçün, 1 nəfər təqaüdünün verilməsi üçün, 2 nəfər sosial yardımın verilməsi ilə əlaqədar, 4 nəfər maye qazın verilməsi üçün, 4 nəfər isə torpaq ilə əlaqəli müraciət etmişdirlər.
Dinlənilmiş müraciətlərin və qaldırılan məsələlərin həlli ilə bağlı aidiyyatı qurumların rəhbərlərinə və məsul şəxslərə yerindəcə müvafiq tapşırıqlar verilmişdir.
