Keçən il ölkədə 3275 istixana fəaliyyət göstərib
03 mart 2021 | 16:00
2020-ci ildə ölkədə ümumi sahəsi 1,5 min hektar olan 3275 istixana fəaliyyət göstərib.
Dövlət Statistika Komitəsindən AZƏRTAC-a verilən məlumata görə, həmin istixanalarda 288 min 473,1 ton pomidor, 16 min 272,4 ton xiyar, 5 min 515,5 ton badımcan, 478,2 ton göbələk, 350 ton bibər, 40,2 ton soğan, 37 ton kələm, 5,5 ton sarımsaq, 3,6 ton lobya və 85,7 ton çiyələk istehsal olunub.
Ölkənin digər rayonlarına nisbətən Şəmkir, Abşeron, Xəzər, Salyan, Samux, Sabunçu, Tovuz, Hacıqabul və Sabirabad rayonlarının istixana təsərrüfatlarında daha çox məhsul yetişdirilib.
Bu ilin yanvar ayında isə respublika üzrə örtülü torpaq sahələrindən 19,3 min ton tərəvəz toplanıb.
Keçidlər
