Samux Rayon İcra Hakimiyyətinin başçısı cənab Alı Qocayevin rayonun Seyidlər kənd sakinləri ilə növbəti səyyari görüşü keçirildi
Samux Rayon İcra Hakimiyyətinin başçısı cənab Alı Qocayevin rayonun Seyidlər kənd sakinləri ilə növbəti səyyari görüşü keçirildi.Görüşdə kənd sakinləri ilə yanaşı İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların rəhbərləri iştirak edirdilər.
Əvvəlcə Seyidlər kənd inzibati ərazi dairəsi üzrə icra nümayəndəsi kənd barədə iclas iştirakçılarına geniş məlumat verdi. Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.Daha sonra kənd sakinləri tərəfindən çıxışlar və təkliflər oldu:
1. Məmmədova Firduz Qəhrəman qızı Seyidlər-Qədili kəndinə yeni marşurut xəttinin açılmasını xahiş etdi.
2. Şubliyev Məhəmməd Həsən oğlu Seyidlər kəndinə verilən qaz xəttinin Şəmkir rayonundan ayrıb Samux rayonuna verilməsinə köməklik göstərilməsini xahiş etdi.
3. Şəfiyev Əli İmamqulu oğlu Elektrik naqillərini yeni özünü daşıyan izolyasiya naqilləri ilə əvəz edilməsini xahiş etdi.
Səyyar qəbulu yekunlaşdıran Samux RİH-nin başçısı cənab Alı Qocayev kənd sakinləri tərəfindən irəli sürülmüş rəy və təkliflərə baxılması üçün aidiyyəti orqanların rəhbərlərinə yerindəcə müvafiq tapşırıqlar verdi.