Samux Rayon İcra Hakimiyyətinin başçısı cənab Alı Qocayevin rayonun Ziyadlı kənd sakinləri ilə növbəti səyyari görüşü keçirildi.

Samux  Rayon  İcra Hakimiyyətinin  başçısı cənab  Alı Qocayevin rayonun Ziyadlı kənd sakinləri ilə növbəti səyyari görüşü keçirildi.
Görüşdə kənd  sakinləri ilə yanaşı  İcra Hakimiyyəti başçısının müavinləri, İcra aparatının şöbə müdirləri, hüquq-mühafizə orqanlarının, idarə, müəssisə və təşkilatların  rəhbərləri iştirak edirdilər.
Əvvəlcə Ziyadlı    kənd inzibati ərazi dairəsi üzrə icra nümayəndəsi Qəmbərov Kəpəz  kənd barədə iclas iştirakçılarına geniş məlumat verdi.  Kənddə görülmüş işlər, elektrik enerjisi, su təminatı, aparılmış abadlıq işləri, əhalini narahat edən məsələlər və problemlər barədə ətraflı danışdı.Daha sonra kənd sakinləri tərəfindən çıxışlar və təkliflər oldu:
1. Yusibova Zərqələm Ələs qızı Qovlarsarı-Ziyadlı avtobus marşurutunun qrafikə uyğun işləməsini xahiş etdi.
2. Əsgərov Həsən Hacı oğlu  həyətyanı torpaq sahəsinin sənədləşməsində köməklik göstərilməsini xahiş etdi.
3. Cəfərova Nərgiz İsa qızı Məktəbə istilik sisteminin çəkilməsini xahiş etdi.
Səyyar qəbulu  yekunlaşdıran Samux  RİH-nin başçısı cənab Alı Qocayev kənd sakinləri tərəfindən irəli sürülmüş rəy  və təkliflərə baxılması üçün aidiyyəti orqanların rəhbərlərinə  yerindəcə müvafiq tapşırıqlar  verdi.